A Free Template from Joomlashack

A Free Template from Joomlashack

GCalendar Upcoming Events

Minningasjóður Ásgeirs H. Einarssonar

vegna samúðarkorta vinsamlega hafa samband við
Garðar Hinriksson
Sími 568-7650 / 892-8333


Andlát
Skrifað af: Administrator   
Þriðjudagur, 02. febrúar 2016 10:27

Bent Bjarni Jörgensen, fæddur 25. ágúst 1927. Dáinn 19. janúar 2016

Nú þegar við félagar í Kíwanisklúbbnum Heklu kveðjum félaga okkar og  vin Bent Jörgensen er okkur efst í huga þakklæti. Þakklæti fyrir það starf sem hann innti af hendi sem félagi okkar og vinur. Bent gekk til liðs við Kiwanisklúbbinn Heklu 15. desember 1970. Allt frá því að hann gekk í klúbbinn og þar til heilsan fór að gefa sig var hann meðal öflugustu félaganna í starfinu. Hann var forseti klúbbsins 1986-1987 og 1994-1995. Hann gengdi starfi ritara og erlends ritara og sat í stjórn klúbbsins sem meðstjórnandi  til margra ára. Mörg voru nefndarstörfin sem hann innti af hendi. Mest var hann áberandi í fjáröflunarnefnd sem af mörgum er talin sú nefnd sem skiptir hvað mestu máli í Kíwanisstarfinu, og mjög oft sem formaður nefndarinnar. Bent var sérstaklega mikilvirkur sölumaður  og mjög hugmyndaríkur á vali um fjáraflanir . Á jólafundi klúbbsins 15. desember 2015 var hann heiðraður fyrir 45 ára starf í klúbbnum en vegna veikinda hans tók Guðrún kona hans við þessari viðurkenningu, þetta var ein af mörgum viðurkenningum sem Bent hefur fengið fyrir sitt góða starf sem Kíwanismaður. Heklufélagar þakka að leiðarlokum vináttu og samstarf.

 
 
Joomla 1.5 Templates by Joomlashack